السلام عليكم و رحمة الله...

مرحباً بك زائرنا الكريم إطلع على التعليمات أو سجل معنا الآن


+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 7 من 10
  1. #1
    رواد الرابطة قـدامـہ العــآنـيـ is on a distinguished road
    تاريخ التسجيل
    Feb 2007
    الدولة
    // خارج العـــراق //
    المشاركات
    4,156

    new شعر عن العراق الجريح




    ارجو عدم الحذف


    شعر عن العراق الجريح

    مل مني القلم ومن القلم مليت

    عمت عينه قلمنه الما نفع شِعره

    تعب حته الشِعر ويه العراقيين
    وصار بحال اهلنه وبالعراق ادره

    رسمت حروف العراق برسم فنان
    وجمعت اربيل والانبار والبصره

    وگلت لازم حروفي توحد الخوّان
    ما معقوله هيچ تصير فد مره

    ورديت ولگيت دموع عالوجنات
    حروف الي رسمتهه اليوم متطشره

    كردستان تحچي بزودهه وتگول
    احنه العاصمه وبغــداد متأخره

    والانبار شالت سيف عالخوان
    لو ليه الحكم لوفلّش الاسره

    والبصره تگول احنه نريد اقليم
    ومن نفط العراق الكُم فقط عُشره

    وشفت للفتنه والله العراقيين
    دون حروف جر يا ناس منجرّه

    مذبوحه المحبه وناس تكره ناس
    سويه الي يحب والقابض الجمره

    حته الورد ما يرضه بعد بالماي
    من دمنه تريد الورده والشجره

    رقم جبنه قياسي بالقتل والموت
    وصرنه اول شعب نص اهله متهجره

    نهر دجله يـا ناس من الجثث غرگان
    خلي نمد ادينه لدجـــــــــله وانجرّه

    على جثثنه ادور هالفضـــــــــــائيات
    ياهو الي يصــــور ياخذ الاجــــــره

    معصوبه العـــــيون مچتفه الايدين
    وانواع الرصاص يچوب بـــــصدره

    لا اهله اجوي وچــــــــفّنوا بچـــفان
    مجــــهوله الـــهويه ومن درة بأمره

    اذا امّه الــــحنونه الصايمه برمضان
    ما اكــــلت اكلهه وبقت تـــــــنتضره

    تنــــــتضره يرد وتريد تحــجي وياه
    اثاري العيـــــــــد لازم ينگطع مهره

    لان باعت ذهبهه بشارع الصياغ
    حته تزوج ابنهه الما فرح عمره

    ما نامت بقت سهرانه كل اليل
    ايا ليل العراق الما بزغ فجره

    وما جاهه صبر طلعت تدور عليه
    مثل طلعة حمامه بعينهه العبره

    وما شافت ابنهه وجاهه ملك الموت
    تعرف شنهي يعني تموت بالحسره ؟؟

    معناها الفرح صاير مثل رجال
    شايل ورده بيده وخنجر بضهره

    معناها عراقك كاتل ومكتول
    سوده گلوبهم وعقول مفتره

    وكل هذا ويگلي احنه العراقيين
    سنه وشيعه عشنه الحلوه والمره !!

    لا والله چذب احنه العراقيين
    سنه وشيعه مثل الضره عالضره

    ملينه الچذب وليمته وليا دوب
    واقع حال لازم نخضع لامره

    ملينه الچذب وليمته وليا دوب
    قصايدنه اجت للناس متأخره

    نعم خوان احنـــــــــــــــــــــه
    نعم خوّان احنه وياك آني بهاي
    بس مو من بعد تفجير سامرّه

    بعد تفجير سامرّه العراقيين
    مثل فلم الرعب ودمايته الحمره

    مو فتنه صحيح الصايره ابّغداد
    سونامي الفتن بغداد منتشره

    قتل مو عالهويه هواي متوهمين
    صارت عالاسم گص راسه ويشمره

    واليگلي تبالغ انته حيل بهاي
    جبت حجه ودليل وياي هالمرّه

    اتحده بكر واتحده ابو الخطاب
    افن واحد البيهُم يوصل الثوره

    واتحده على واتحده هم حسين
    اذا فلوجه طبهه ومنكسر ضهره

    صـــــــــفر كل النتايج للعراقيين
    بس بالفتنه جابوا عشره من عشره

    هذا يگول سني ناصبي اغتالوه
    وهذا يگول شيعي رافضي نكفره

    ضلّوا بهالسوالف يا خزي ويا عار
    واسرائيل علگت نارهه الــــــكبره

    يول وين الــــــــشرف گدامكم بغداد
    شــــــگّوا ثوبهه واخذوهه متأسره

    غتصبوهه الكُفر ... ما تسمعوهه تصيح
    آنه ام الــــــــــــشرف واليوم مو عذره

    بعد والله ما يــــــــــــــنفعنه قيل وقال
    لات كـــلشي انتهه وانكــــسرت الجرّه


    مرحوم الـــــــعراق استشهد من سنين
    يا وسفه صفـــت أشلائه مـــــتنثره

    متنـــثره بمزابل يمـــهه كوم چلاب
    اكلت من لــــــحومه وما درت سرّه

    صــــير وياي بس هالمره اترجاك
    عيب من الــــــــــــعراق اليوم نتبرّه

    صعبه بمزبله جثة الــــــــعراق تصير
    خلي نشــــــــــيله منهه وندفنه بگبره

    منقولة

    ,,

    نَّ
    هـْـضَـةٌ لِلإِصــلَآَح

    ,,
    كُنـْـتُ هـُنآا

  2. #2
    عضو نشيط عبد المهيمن is on a distinguished road
    تاريخ التسجيل
    Aug 2005
    الدولة
    Iraq
    المشاركات
    128

    افتراضي رد: شعر عن العراق الجريح

    السلام عليكم ورحمه الله وبركاته
    تسلم ايدك على هذه القصيده في الحقيقه الكلمات واقعيه وحقيقيه.

    بس ميصير نساعد المحتل ونكتب هل القصايد ونشوفه الي يصير بينه ولاتنسى انه كل الدول صار بيهه حروب ومجازر.

    ولاتساعد الغير على نشر الفتنه .
    الي نعرفه في الاسلام انه واحد.


    أني اوافقك الرأي بهذا البيت:
    صــــير وياي بس هالمره اترجاك
    عيب من الــــــــــــعراق اليوم نتبرّه



    صحيح الي صار بس يبقى العراق عراق وبغداد المحافضه وعواصمه اسمائها بكل مكان منتشره.


    ولاتفقد الامل يا عزيزي قدامه واعتقد يوجد خطأ في اسم الشعر وهو ليس العراق الجريج بل المرحوم العراق استناداً الى الأبيات


  3. #3
    عضو فعـــال علي ميجا is on a distinguished road
    تاريخ التسجيل
    Jan 2008
    المشاركات
    562

    افتراضي رد: شعر عن العراق الجريح

    صح السانك
    اخوي
    صح السانك

  4. #4
    رواد الرابطة قـدامـہ العــآنـيـ is on a distinguished road
    تاريخ التسجيل
    Feb 2007
    الدولة
    // خارج العـــراق //
    المشاركات
    4,156

    افتراضي رد: شعر عن العراق الجريح

    وعليكم السلام ورحمة الله
    اخويه العزيز عبدالمهمين
    كلامك على عيني وراسي بس شنسوي هذا الواقع احترم رايك وبارك الله بيك

    شكرا اخويه علي ميجا على المرور والتعليق

    مشكورين جزاكم الله خيرا

    ,,

    نَّ
    هـْـضَـةٌ لِلإِصــلَآَح

    ,,
    كُنـْـتُ هـُنآا

  5. #5
    عضو مشارك محمود السامرائي is on a distinguished road
    تاريخ التسجيل
    Jul 2008
    المشاركات
    15

    افتراضي رد: شعر عن العراق الجريح

    السلام عليكم ورحمه الله وبركاته
    شكرا على هذه الابيات الجميله
    وانا مع اخي عبد المهيمن
    نريد الان ننسى الماضي ونبدا من جديد
    وابشركم؟ لقد قامت رابطه الطلبه والشباب العراقيه في كردستان العراق
    المخيم الكشفي الرابع
    وذهبنا من سامراء 22 عضو من الرابطه
    الى الشمال وبلغونا قبل ذهابنا ان معنا 22 عضو من رابطه الطلبه من البصره والله يشهد فرحنا فرحا شديدا عندما علمنا ان الذين يذهبون معنا من البصره ووصلنا المخيم قبل وصولهم
    والحمد لله استقبلناهم وعشنا معم لمده قليله وهي خمسه ايام ولكنها اجمل ايام عمرنا قضيناها معن مع اخوتنا من بغداد كانوا معنا وعندما عدنا بدأت الدموع تنهال لفراق اخوتنا من البصره وبغداد وكان اشد يوم علينا هو يوم فراقنا ولله الحمد متواصلون الان معهم عن طريق الاتصال بالموبايل
    والانترنت وان شاء الله هذا العمل سوف نتواصل اليه
    ويتم القضاء على الفتنه وعلى من قام بها
    وشكرا جزيلا لك ياأخي قدامه العاني على هذا الموضوع الجميل وبارك الله بك وبكل الاعضاء
    تقبل خالص تحياتي اخوك محمود السامرائي

  6. #6
    مشرفة منتدى رواق الجامعة ملكة الاعلام is on a distinguished road
    تاريخ التسجيل
    Sep 2008
    المشاركات
    707

    افتراضي رد: شعر عن العراق الجريح

    السلام عليكم...
    صح السانك اخ قدامه... والي رد عله اخ عبد المهيمن والاخ محمود في انه يا اخوان ميحتاج انشوف المحتل الي ديصير بينه لأنه بالاصل هوه المسؤول عن كل الدمار والخراب ... بل بالعكس قد يكون بادره طيبه في المصالحه ونشوف المحتل انه احنه نعرف شنو غرضهم وشيريدون... وتقبل مروري اخ قدامه

  7. #7
    عضو مشارك صباح السراي is on a distinguished road
    تاريخ التسجيل
    Aug 2011
    المشاركات
    8

    افتراضي رد: شعر عن العراق الجريح

    العراق عراقنا ان كنا من الانبار او الموصل او ديالى او بغداد اواربيل او البصره والدم دم عراقي مخلوط بتراب العراق ودجلته وبفراته


 

المواضيع المتشابهه

  1. صور عن العراق الجريح
    بواسطة شيماء الجنابى في المنتدى مُنْتَدَى الْصُّوَر الْعَام
    مشاركات: 4
    آخر مشاركة: 04-04-2010, 11:53 PM
  2. قصيدة عن العراق الجريح
    بواسطة امير جامعة الانبار في المنتدى نـــَـبْضِ ﭑلقـَصـــيِـِدْ
    مشاركات: 1
    آخر مشاركة: 02-15-2008, 11:13 AM
  3. يا ذات القلب الجريح
    بواسطة رفيق الدرب في المنتدى حايط المنتدى
    مشاركات: 9
    آخر مشاركة: 08-16-2007, 02:53 PM
  4. الى العراق الجريح
    بواسطة نسيم الرافدين في المنتدى إسْـتِرَاَحـَـْةْ ﭑلـرِاَبِـِطَـَﮧَ
    مشاركات: 2
    آخر مشاركة: 03-08-2007, 08:10 PM
  5. القلب الجريح
    بواسطة almuslima2008 في المنتدى رواق الجامعة
    مشاركات: 5
    آخر مشاركة: 07-17-2005, 02:57 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
 
منتدى الرابطة